衝呀衝, 快趣衝

自從佢地可以一齊活動之後.而家每日都會一早一晚放佢地出黎走走. 順便換野.

兩個一早見到我起身出黎, 就會STANDBY係個籠門口到. 一開閘就飛出黎.
00朝朝都會出黎做晨操. 由屋頭飛到屋尾. 係咁衝呀, 衝呀.

興奮到極點. 卡卡

前幾日見有間PET SHOP 0既 VETBED 做DISCOUNT. 又見冬天就黎. 就諗住買定張係到備寒. 因為呢到吹起北風上黎都幾凍

點知今日放工返到黎, 已經見到佢地咬糷0左個邊喇..嗚 嗚..
佢地都真係唔係太鐘意毛巾同舖野..卡卡又要諗下計仔先 :P

新格局

IMG_3229
Originally uploaded by 旦 旦

香港地小人多. D屋只可以向高空發展.

我屋企都唔例外...原本想向橫, 間多D地面空間俾佢地.

但係奈何真係用太多時間清潔. 人都癲.
所以我又諗0左計仔. 俾番個複式單位俾佢地住.

經過一晚時間, 暫時效果唔錯, 做0既工作量都細番好多 :D
再繼續觀察 :P

絕育後一星期の覆診

話咁快就一個星期, 亦都要帶0066返去覆診

一放工就飛返屋企揍佢地出去. 去到等0左陣就見 DR. BETTY 喇.
000既傷口好得8899. BETTY都話佢好野. 咁快埋口.

66都好得7788. 係唔知佢係咪口痕, 咬損0左小小, 不過已經結0左蕉, BETTY話都冇問題 :D

問埋BETTY D 藥仲要唔要繼續. 佢話唔使喇. 即刻開心哂. 卡卡.
喂佢兩個嘩鬼食藥都真係幾艱辛的一件工作黎架.. :P

本來約0左喵喵媽會係診所相認, 不過見唔到佢, 問姑娘知道佢已經返0左屋企. 所以就帶佢地走喇, 因為仲要趕下場食飯 :P

返到屋企先知如果喵喵做手術時發現子宮發黑有CANCER.仲要發大3倍. 好彩發現得早. 所以BETTY一做完手術就即刻叫0左喵喵媽去接番喵喵. 希望喵喵快D好返 ^O^ 快D黎同00玩 HEHE :)

絕育後記 の第四天

0066做完手術已經第四日, 傷口都好得7788

佢地其實第2日起身已經回復正常. 鬼打咁精神.

佢地0既食量都回復正常．　好似仲大食0左tim

連 00 都超級活躍.

醫生本來俾0左消炎同止痛藥, 仲有益生菌
見佢地都冇咩野, 就整係餵消炎藥俾佢地.
不過佢兩個都係傻蛋家族出品. 竟然藥就肯食. 其他野就走都走唔切..
d益生菌最後都係益0左bobo 卡卡

而家佢兩個已經霸佔0左我個櫃底做住所. 超鐘意匿係入面. 所以又改0左下個間格.

而家係個草兜要再諗諗計 :p

星期五就返去覆診. 希望一切正常啦.

00 66 大日子

今日係00 66 0既大日子.

唔係生日, 係絕育.

請0左日假, 諗住襯黎緊星期六,日,一. 連續四日可以睇住佢地.

今日10點半就第一次自己渣車車佢地出去. 都好似ok :p 冇飛走到 XD
睇黎下次都可以自己車佢地出去LU :P
去到等0左陣就見醫生. 循例上同佢地做個CHECK UP. 講番手術的風險問題.簽個大名之後就擺低佢地俾診所.

醫生話冇電話 = 冇問題, 5點幾就可以去揍番佢地走.
之後又返屋企趕工加執屋消毒. 眨下眼就夠鐘又飛番出去接佢地.

去到診所, 見到TIGER B去做CHECK UP. hehe 不過同TIGER B 媽傾唔到太耐, 各有各忙 :P

一入到去見到0066, 兩個D藥力仲未散, 又做0左燈膽. 成個吽吽豆豆咁 :P
姑娘教埋我餵草粉. 00可能痛D, 難餵D. 66就食得好開心.

之後就埋單快快手手帶佢地返屋企喇.

返到去. 襯自己係屋企, 都冇俾燈罩佢地戴. 00都唔係好郁. 坐埋一邊休息. 66就已經回復番50%. 自己去搵草食, 搵水飲. 仲想偷走出黎玩.

開頭都諗緊好唔好繼續分開. 不過怕佢地真係要戴罩的話, 會撞黎撞去. 所以都係俾佢地二合為一. 又可以有個伴. 希望會開心D, 快D好 ^^

10點幾見00冇咩食草, 就再餵多0左次草粉 + 益生菌俾佢地食. 第一次開粉. 闊佬得滯...-.- 多0左係到.
攪到連 BOBO 都有份食..XD

餵粉都算成功 :)

聽日就要餵埋藥, 希望OK啦.

食完野 00就精神0左D. 開始行多0左. :D
兩個都有盲腸便, 不過睇黎佢地唔多鐘意食 :P

今晚會再觀察觀察

睇見佢地哎住一齊0既幸福樣就放心哂 :D

00 第一次

每晚幫0066清潔的時候就係佢地的自由活動時間. 尋日早0左有多d時間, 就再次嘗試再去抱佢地, 順便想幫佢地梳下毛.
首先出黎的係00. 00自從有一次的"長"時間自由活動之後, 佢開始每次出黎玩都更放心同開心.

前幾日首次見佢會靠住櫃腳攤透, 知道佢已經開始熟悉呢到同對我的信心又再大0左.
尋日我仲成功抱0左佢上大脾梳毛毛. 雖然都有d掙扎, 不過比起以前已經好0左好多lu.
仲反0左佢一陣梳pat pat . 不過時間唔長 :p
最開心0既係, 梳完毛放番佢落地, 佢去飛奔0左幾個圈之後, 跳0左兩野兔兔跳之後, 竟然係個廳中間就咁攤0左係到, 真係第一次見. 卡卡. 當然立即 又 慢慢咁去拎個相機影低佢啦. 仲要影一張, 慢慢爬近d再影, 再爬近d再影. 卡卡

笑屎我.

66就都有抱到佢梳毛, 不過就冇咁乖喇, 成日都要逃走.. :p
不過佢都跳多0左舞俾我睇 XD

八眉家族係日本的成員 - 囧貓咪

卡卡. 八眉家族係日本的成員 - 囧貓咪

Samsung Ultra Touch - (Warning: Cute Baby Pets)

New York Lottery Sweet Million Cute Sleeping Baby Animal Commercial

New York Lottery Sweet Million "Bunnies"

0066 祝大家中秋節快樂

隻蛋今日行過樓下商場見到有個兔兔燈籠, 就貪得意買番個黎應下節
仲要好無聊咁影下相


66: 哇~!!..阿媽, 有怪獸入侵呀. 咩黎架....



66: 好驚呀. 我去邊佢地又去邊...快D趕佢地走啦


卡卡...祝大家中秋節快樂. 人兔大團圓


同場加送恩愛孖毛腸一雙

00 66 飲水篇

00 66 洗面清潔篇

66 食草篇

0066與蕃薯葉

星期日晚小B媽送0左好多蕃薯葉俾00 66食.

但因為星期六晚係人地屋企打完邊邊有好多菜剩, 要食埋先, 所以尋晚先整蕃薯葉俾佢地食.
佢地好鐘意食, 66仲食到渣都冇淨 :P

d 蕃薯葉 係黃氏小b家自家種, 絕對新鮮, 有機, 冇農藥...100% pure & fresh. 0066 好幸福呀 XD
多謝小B媽~~!!

睇下佢地食得幾開針 :P

中槍~bang ~~bang~~~bang~~~

尋日星期六係屋企冇出街, 就放佢地兩個出黎放肆下. 當然係分開放啦.

00出黎先, 足足玩0左成個鐘. 巡完哂間屋之後, 就走0左埋一邊bang el "雷"低0左 :p

自此之後, 就算返番入籠佢都野野bang el 咁訓落地. 之前佢多數縮埋一個波咁, 好小攤長黎訓.
不過出黎玩完0個一次之後, 而家就野野攤到長一長黎訓 呵呵 :p



仲要野野大大聲..哈哈 上到樓上訓都再唔係一個波, 會攤係到 ^o^
不過開始發覺唔佢大隻0左好多, 空間開始唔係好夠喇@.@

仲有0既係, 唔會再分唔到00 同66喇, 佢已經變身完成 XD

66奇特坐姿

20090917100
Originally uploaded by 旦 旦

某日坐係sofa 睇緊tv 0既時候, 發現66坐得有d奇怪, 我又唔敢行埋去睇, 因為佢實彈起身..

望0左好耐, 原來佢係申直兩隻手係前面, 仲要long住係張matt 到. 但後面又縮到好似個波咁..笑屎我 :p

好似獅山人面像....XD

Paper Craft - Netherland Dwarf

呢兩日抱恙在家, 上網見到canon 0既 紙作仔有兔兔.

即刻印番張黎玩下 :p
好耐冇做過勞作, 有d笨手笨腳 XD





見到有我最愛的海豚同鯨魚, 得閒又整個黎玩下先 HEHE

有興趣都可以去整番個 http://cp.c-ij.com/en/contents/3157/netherland-dwarf/index.html

實驗證明...

話說, 自買0左個坐墊俾00之後, 佢愛不惜腳, 日日食完野就好舒服咁跳上去坐同訓.

好出奇地, 咩都鐘意咬0既00既然唔咬個墊.

之不過住係隔離0既66, 本來咩都唔咬0既佢, 就日咬夜咬, 隔住欄都要咬, 咬到個墊個邊一忽忽..
諗緊會唔會係佢又想要, 人有佢又要有啦. 咁尋晚就拎0左個墊過去俾佢用下啦...點知仲衰, 一坐低就起勢扯...=.=

立即拎番佢出黎. 俾返00用. 好衰唔衰..00見到有線口, 就跟勢去扯埋一份...激到飛起0左.

唯有我反轉個墊. 睇下會唔會好d, 哈, 又得0左, 00聞兩野扯0左兩野仔之後又繼續捕蛋...

咁睇黎我又可以慳番60蚊喇 XD

坐墊

自從0066黎0左之後, 出親街買野都會睇下有冇野0岩佢地用.

星期六又出0左旺角, 要去10蚊店買野.

入到去, 見到寵物部有個坐墊, 仲可以入冰墊. 60蚊, 就買個返去試下先.

返到去, 我知00的去廁所習慣比慣好. 所以俾0左00用, 放0左係2樓.
個闊到0岩0岩好, 係長0左dd, 0岩0岩摺起0左個邊就fit 哂, 順便可以用個邊黎挷實係個欄到, 唔使sin走

00好似好開心, 一上0左去就好耐先返落黎, 睇黎佢都好鐘意. :p

睇下遲d買唔買多塊俾66先 ..卡卡.

當然我唔會偏心啦, 66都有新野, 就係新廁所.
見佢用個3角廁成日飛哂出界, 所以買多個四方廁俾66.
佢立即乖哂. 唔會再飛哂落個盤到. 呵呵, 我又可以做少好多野喇...yeah.. :p

等0左7年....

等0左7年後的今日.....bobo 既然識用廁所去vivi....

都唔知應該高興定激氣好...

係7年呀...足足7年呀...

話說66個pat pat 日漸長大, 個舊3角廁已經唔夠佢用. 成日出哂界..
星期六終於出去買多個四方廁俾66... 咁個舊0既3角廁又多番出黎.
諗住物歸原主, 即管睇下bobo識唔識用啦. 佢竟然肯用wor.
不過副老脾氣一樣, 係要同我反兜. 唔鎖實都唔得

自從0066黎0左之後, bobo仲有返老還童的感覺...

又肯食齋糧...
以前會食淨哂d草條係到.. 而家會同我清哂..

呢d係咪叫老懷安慰呀....

00大變身

自從上次同00剷0左個skin head之後, 就激發起佢潛在的色素, 而家變0左隻變色龍.

又白又啡咁..卡卡, 好搞鬼..

而家等緊佢d毛長番, 再睇下佢0既終極變身會變成點先 ..

呵呵呵

00 越黎越女仔

飲水企高對手都要疊埋 XD

新裝修 ^o^

00 66有個最大0既性格分別就係, 一個超級鐘意跳, 一個就乖巧好多, 唔會亂黎...
當然就係00 (女) 乖D, 會痴人..
66(仔) 就過度活躍, 有咩都係跳0左先, 總之有野係佢面前, 見到頂0既佢都會係跳0左先. 唔理跳唔跳得過 XD
E.G. 跳上老佛爺0既籠頂. 跳上包草上面. 仲要阿蛋叫兔, 越叫越走...XD

有見及此. 前兩日幫佢地改裝過間屋...XD

登~~登~~登~~~~登....
就係加多層板俾佢地 :p


咁鐘意跳就俾佢係入面跳夠佢

00@二樓, 睇下佢坐得幾lady


66@二樓, 男仔係man d0既


同場加送大patpat @ 地下.


我成日話佢地恩愛..究竟有幾恩愛 ?? 有相為證


隔住欄都要幫對方清潔
~~~~~~~~~~~~~~~

成日掛住0066, 都冇提過老佛爺
老佛爺前幾日做0左我第3隻白老鼠.

兔媽我終於識用個剷 佢剪完毛後生0左好多
 



隻傻野飲水飲到淨係見到下巴

第一次

整完新間格俾佢地之後, 66好高興.....第一次錫我 鼻鼻, 太開心喇

大變身

0岩0岩今日帶0左00 66兩個去打第4針疥癬針.
佢地已經好番哂喇, 下一步就係治埋d虱同儲錢同佢地desex
之前剪完毛都冇得閒同佢地影相 :p
呢個就係00的白臘腸look

BEFORE

after


66就好彩d..做第2個實驗品
BEFORE

after


繼上次俾0左個大草兜事件後, 見到有個窄身d, 就買黎試下睇下會唔會好d啦.. 再掛高0左小小, 唔使痴住個地下..
點知..佢兩個都係..

今日放工一入門口....

話說00 66 係對住我個大門口, 今日放工一入門口....
竟然發現.................

出奇地兩個都冇係個尿兜出面放粒粒WOR. 全部入哂兜...真係奇聞

之前日日都滿地灑金架嘛

我即刻問佢兩個係咪成日MUG 0左係廁所冇走過

笑屎我

不過此情不再...卡卡

第一次剷毛.....

今日去買0左個剷返黎諗住同00 & 66 剪毛.....
第一次用剷剷....點知較得短得滯..

00做0左第一隻白老鼠..佢而家成條白臘腸咁

聽日仲要同佢出去見人. 實俾人笑屎..係我對你唔住呀 00

俾佢兩隻激屎我.....

早幾日一心諗住買個大d0既兜俾 00 同 66 裝草... 唔使成日整到周圍係..同舒服d, 裝多d...

點知...個結果係...

毛球 look 1, 2 號

00 look


66 look


仲想影佢地0既中槍樣, 不過次次未拎到相機就醒0左

診斷結果

經過診斷後0既結果係............唔想佢地有0既都有齊..........

疥癬, 腳枕, 虱....

而家要續樣慢慢醫, 第一樣醫就係疥癬...打0左第一針...下個星期再去打第2針...

要搵多幾份秘撈先頂得住喇...

終於識用廁所

好開心呀, 00 同66 終於識去廁所, 兩日都冇係出面 vivi...

真係乖
抵錫.

不過今晚又係另一個大挑戰, 要帶佢地出去睇醫生...
唔知可唔可以講下你地會帶d咩出去架呢? 我怕我會執漏野..

為0左佢地特登買個袋, 希望佢地生生性性 :P

00 & 66 簡介

黎個詳細介紹先

00

00性別: F
00生日: 不詳 不過6月28發現佢, 就當住628係佢生日先 :p
00介紹: 00 係女仔, 佢耳仔比較長, 毛亦都長好多, 比較文靜同聰明, 一俾個三角兜佢就識去廁所, 有個新水樽亦都立即識去飲水 不過超級"為食", 一聽到膠袋聲就會衝去個籠門口到等野食. 有到好就係俾咩佢都食, 唔會揀飲擇食.不過佢就咩都鐘意咬, 紙尿片, 膠地墊, 一埋到佢口0既都逃唔過佢0既牙齒隙 .

===========================================

66

66性別: M
66生日: 不詳 不過6月28發現佢, 就當住628係佢地生日先 :p
66介紹: 66 係仔, 身型俾00細D, 毛都短D同平均, 耳仔又細隻D(不過其實0岩0岩返黎兩隻真係差唔多樣, 分0左好耐先分到邊隻打邊隻 )

66 可能因為係仔, 超級活躍, 開頭仲未分開佢地0既時候, 無時無刻都去撩00, 00都覺得佢煩, 成日走埋D角落頭到縮埋唔鬼理佢 同埋佢有過度活躍症, 成日會係個欄入面衝黎衝去, 有時開0左門, 佢會係咁跳出跳入, 冇時停.66比較蠢小小. 學野都慢D, 換0左樽就唔識飲水,要俾番個舊0既佢, 明明引到佢埋個樽口到"LAM"0左幾啖, 都係唔識..卡卡. 食野都係, 俾野佢食, 佢會聞好幾次, "LAM"下先, 幾次之後先夠膽食 . 不過66就乖D, 唔會亂咬野仲有就係佢好迷戀個鼠鼠籠, 之前個籠一擺去邊, 佢就會入去訓.. 不過而家要分家, 唔夠位俾佢擺住..

==========================================================

佢地0岩0岩黎到0既時候, 成日會逃獄, 因為0個陣D欄未FIX 實, 佢地好醒咁等我訓緊覺 / 出0左街就會去推門D欄, 實行黎個PRISON BREAK @ LIVE..等我一返到去就立即衝番入去. 不過成地都係毛同粒粒, 出賣0左佢地0既行蹤. 而家黎0左我屋企都已經有3個星期, 開始熟哂地頭. 開始識用廁所, 我0既格局都開始定型, 用0既野都開始減, 因為唔會再去到周圍係.00 同66 好恩愛, 未分開0既時候, 永遠訓覺都要痴埋一齊. 又會幫大家沖涼..而家分開0左佢兩個, 佢地都會不停咁想係D隙到搵到大家 希望佢地黎緊生生性性啦. 聽教聽話, 等我唔駛咁辛苦..

而家佢地0既最新居所情況 變0左做咁0既樣


同埋一D尋日影0既相相

家中新成員

6月28日, 收到朋友的電話,係地鐵站搵到一對被遺棄的兔兔.兩隻連籠帶糧就咁被拋棄0左係到.由於佢係0個到0既職員, 佢地亦唔忍心叫漁護署去收, 因為知到多數都凶多吉小.佢知我有養開兔仔, 所以問我可唔可以收留埋佢地.

我答應0左嘗試一下, 因為我原本的兔兔已經獨居多年, 同埋一向脾氣都唔多好. 所以唔知合唔合到. 卒之黎到之後, 嘗試失敗, 唯有要分開養.

我幫佢地改0左個名, 00 同 66, 係因佢地被發現的地方而命名.

我朋友開頭仲同我講佢地好似好驚, 唔多郁, 怕佢地有問題, 點知一返到我屋企, 兩隻活潑到不得了.係間屋到跳黎跳去, 周圍走, 捉都捉佢地唔住. 我仲同我朋友講 "貨不對版"

為0左佢地, 我要重組過我屋企的擺位. 加上朋友有個舊的狗狗圍欄, 我將一個好大0既地方劃0左俾佢地兩個.

佢地而家好開心, 不過兩個都有過度活躍症, 加上係一仔一女, 隻仔成日都想搞隻女, 冇時停. 又未得閒帶佢地去睇醫生.同未知夠大做絕育手術未.

不過佢兩個0既食量真係大得驚人...D糧同草0既銷量直線上升

見到佢地咁得意 , 真係唔明點解D人可以就咁掉0左佢地係街

佢地第一日黎到的樣子, 佢地就係係呢個籠入面被發現. D糧同草都就咁放哂係個底, 佢地D腳腳都俾尿同屎痴到污漕哂.=.= 我立即同佢地洗番乾淨個籠, 梳番好佢地D毛, 真係睇見都覺得可憐...

呢個係00 (女)

呢個係66 (仔)

安定好之後幫佢地拍0左段片...呢個就係佢地0既新屋企.


其實我而家仲諗緊買籠好定而家咁好. 有籠清潔就方便D, 而家咁就要多D時間去打理佢地.頭痛中~~